Саябақ қызметкерлерінің айтуынша, шүбүшниктің ақ гүлдері шағын шоқтарға жиналып, жасмин ноталары бар қанық тәтті хош иіс таратады. Дәл осы себепті халық оны жиі «бақ жасмині» деп атайды, алайда бұл өсімдік нағыз жасминге жатпайды. Шүбүшник Гортензия тұқымдасына жатады, деп хабарлайды Almaty.news ақпарат агенттігі.
Бұтаның биіктігі 2-3 метрге жетуі мүмкін. Өркендері тік, сұрғылт-қоңыр қабықты. Жапырақтары жоғарғы жағынан қою жасыл, төменгі жағынан ашық түсті. Гүлдеу әдетте 2-3 аптаға созылып, көптеген аралар мен басқа да тозаңдандырушы жәндіктерді тартады.
«Шүбүшник» атауы оның берік қуыс өркендерінен бұрын темекі трубкаларының бөлшектері – шүбүктер жасалғандықтан пайда болған. Латынша Philadelphus атауы өсімдікке табиғаттану және ботаникамен айналысқан Мысыр патшасы Птолемей II Филадельфтің құрметіне берілген. Coronarius түр атауы латынның corona – «гүл шоғы» немесе «тәж» деген сөзінен шығып, «гүл шоқтарына қолданылатын» дегенді білдіреді.
Бұған дейін Алматыдағы Терренкур демалыс аймағындағы көлде жаңа қалқымалы гүл композициялары пайда болғанын хабарлаған болатынбыз.
Дереккөз: Zakon.kz