Жеңіл атлетика мен ауыр атлетикадан Азия ойындарының жүлдегерлері Алматыға оралды, деп хабарлайды Almaty.news ақпарат агенттігі.
Ұлттық құрамамен бірге Алматының Азия ойындарының жүлдегерлері де келді. Ауыр атлетикадан 77 келіге дейінгі салмақ дәрежесінде Аянат Жұмағали, ал спорттық жүрістен жартылай марафонда Кристина Морозова күміс медаль жеңіп алды.
Кураштан 81 келіге дейінгі салмақта Адилет Ахметгали қола жүлдегер атанды.
Сондай-ақ Алматыға Қазақстан ұлттық құрамасы сапында спорттық жүрістен марафонға қатысқан алматылық спортшы Ясмина Тоқсанбаева да оралды.
Олармен бірге Қазақстанның жеңіл атлетикадан ұлттық құрамасының өкілдері, оның ішінде Азия ойындарының күміс жүлдегерлері Кристина Овчинникова мен Нора Джеруто Тануи келді.
Халықаралық Алматы әуежайында спортшыларды салтанатты жағдайда қарсы алды. Азия ойындарының қатысушылары мен жүлдегерлерін қарсы алуға Алматы қаласы әкімдігінің спорт басқармасының басшысы, спорт қоғамдық өкілдері, жаттықтырушылар, спортшылардың туыстары мен жақындары, сондай-ақ көптеген жанкүйерлер жиналды.
Жиналғандар спортшыларды жылы қарсы алып, жүлдегерлерді жеңіп алған марапаттарымен құттықтады.
Айта кетейік, Жапониядағы XX жазғы Азия ойындары жалғасуда. Қазақстан құрамасының бірқатар спортшылары жарыстарға қатысуын жалғастырып, жақын күндері медальдар үшін күресетін болады.