Алматыдағы «Барахолка» ауданында орналасқан бұрынғы «Рахат» базарының аумағын абаттандыру жұмыстары басталды. Сауда қатарларының орнына жасыл аймақ пен автотұрақ пайда болады, деп хабарлайды Almaty.news ақпарат агенттігі.
Базар қажетті рұқсат құжаттарынсыз жұмыс істеген. Оны босату заңды күшіне енген сот шешімдері негізінде жүргізілді. Жабылғанға дейін кәсіпкерлермен түсіндіру жұмыстары жүргізіліп, 150-ден астам жалға алушы аумақты тастап кетті. Оларға көршілес базарларда жеңілдікті орындар ұсынылды.
Алаңды дайындау кезінде кәсіпкерлер сауда контейнерлерін өздері шығарып, құрылымдардың бір бөлігін бөлшектеген. Қазір учаскеге абаттандыру жобасы әзірленуде.
Бұрынғы базардың орнында аудан тұрғындары мен көршілес базарларға келушілерге арналған көгалдандырылған қоғамдық кеңістік пен демалыс аймақтарын құру жоспарлануда. Сондай-ақ аумақтың бір бөлігі автотұраққа бөлінеді, бұл көлік тұрағын ретке келтіріп, аудандағы көлік жағдайын жақсартуға көмектеседі, — деп атап өтті әкімдікте.
Дереккөз: Nur.kz