Алматы прокуратурасы зейнеткерлерді алдап, 1,5 млрд теңге шығын келтірген күдіктілер тобының ұсталғанын хабарлады, деп хабарлайды Almaty.news ақпарат агенттігі.
Прокуратура мәліметінше, оңтүстік астанада егде жастағы азаматтарға қатысты интернет-алаяқтық жасаған топтың әрекеті тоқтатылды.
«Құқық қорғау органдары мен қаржы институттарының қызметкері болып көрінген зиянкестер зардап шеккендерді жылжымайтын мүлікті сатып, ақшаны бақылаудағы шоттарға аударуға көндірген. Келтірілген шығынның жалпы сомасы 1,5 млрд теңгеден асты», — делінген хабарламада.
Тергеу барысында қылмыстық схеманың ұйымдастырушылары мен қатысушылары анықталып, ұсталды. Олардың әрекеттері ҚК 190-бабының 4-бөлігі бойынша сараланған, сот қамауға алу түріндегі бұлтартпау шарасын санкциялады. Сотқа дейінгі тергеу жалғасуда.
«Қылмыстық әрекеттің барлық мән-жайын және басқа да қатысушыларды анықтау бойынша іс-шаралар жүргізілуде», — деп мәлімдеді қадағалау органы.
Дереккөз: Nur.kz