Алматыда Республикалық физика-математика мектебінің 48 оқушысы жедел ішек инфекциясы белгілерімен ауруханаға жатқызылды, деп хабарлайды Almaty.news ақпарат агенттігі.
Бұл туралы бүгін, 2026 жылғы 14 қазанда ведомствоның баспасөз қызметі мәлімдеді.
Санитариялық-эпидемиологиялық бақылау комитетінің (СЭБК) деректері бойынша, мамандар «Master Food» ЖШС-нің асханасын тексерді. Онда азық-түлікті сақтау талаптарының бұзылуы, дайын тағамдардың тәуліктік сынамаларын іріктеу және тамақтандыруды ұйымдастыру бойынша кемшіліктер анықталды.
Интернат ғимаратында дезинфекция жүргізілді. Байланыста болған адамдар медициналық бақылауда, алдын алу мақсатында бірқатар бала интернатта оқшауланды.
Оқушылардың жаппай ауруханаға жатқызылуына байланысты ведомство маңызды үндеу жасады.
Ахуал Денсаулық сақтау министрлігінің бақылауында екені атап өтілді.
Бұған дейін Алматыда 2026 жылғы 12-14 қазан аралығында Қалалық балалар клиникалық жұқпалы аурулар ауруханасына Республикалық физика-математика мектебінің жедел ішек инфекциясы белгілері бар 48 оқушысы жатқызылғаны хабарланған. Тағы 6 бала интернатта оқшауланып, медициналық бақылауда екені нақтыланған.