Алматының Алатау ауданында полицейлер есірткінің заңсыз айналымымен байланысты интернет-дүкеннің жұмысын тоқтатты. Іс бойынша 20 жастағы курьер ұсталды, деп хабарлайды Almaty.news ақпарат агенттігі.
Жеке тексеру кезінде одан сатуға дайындалған 127 орама мефедрон және 2 мыңға жуық экстази таблеткасы табылды. Күдіктінің тұрғылықты жерінен 1 кг-ға жуық синтетикалық есірткі алынды. Барлық алынған заттардың жалпы салмағы шамамен 2,5 кг құрады, бұл тұтынушыларға жетпеген 6 мыңға жуық бір реттік дозаға тең.
Заңсыз әрекет үшін төлем криптовалютамен жүзеге асырылған. Ұсталған адам уақытша ұстау изоляторына қамалды. Қазақстан Республикасы Қылмыстық кодексінің 297-бабы 3-бөлігі бойынша қылмыстық іс қозғалды. Оған 12 жылға дейін бас бостандығынан айыру жазасы қауіп төндіреді.
Дереккөз: Inalmaty.kz