Алматыда мас күйіндегі бір топ адамның қауіпті әрекеті пойыздың шұғыл тежелуіне себеп болды. Оқиға 2026 жылдың 2 қыркүйегінде болған, деп хабарлайды Almaty.news ақпарат агенттігі.
Көліктегі полиция департаментінің баспасөз қызметінің мәліметінше, құқық бұзушыларды полиция бөлмесіне жеткізген. Тексеру барысында көлік полицейлері ұсталғандардың жеке басын анықтаған – олар Жамбыл және Алматы облыстарының 32-35 жастағы тұрғындары болып шықты.
Ұсталғандарға қатысты әкімшілік іс қозғалды. Негіз ретінде алкогольдік ішімдіктер ішу немесе қоғамдық орындарда мас күйінде жүру, сондай-ақ теміржол көлігі объектілерінде жүріс-тұрыс ережелерін бұзу алынды.
Полиция теміржолдың жоғары қауіпті аймақ екенін және мұндай әрекеттер заң бойынша қатаң жауапкершілікке әкелетінін еске салды.
Бүгін, 3 қыркүйекте, Балқашта теміржолда ер адамның қаза тапқаны белгілі болды – оны пойыз қағып кетті. 27 тамызда Ақмола облысында ер адам станцияда вагоннан түсіп, келе жатқан пойыздың астына түсіп кеткен.