Алматыда Ұлттық қауіпсіздік комитеті прокуратура органдарымен бірлесіп, телефон алаяқтығына қатысты қылмыстық топтың жұмысын тоқтатты, деп хабарлайды Almaty.news ақпарат агенттігі.
2026 жылдың сәуірінде ҰҚК мәліметінше, күдіктілер байланыс операторларын айналып өтіп, қазақстандық абоненттерге халықаралық қоңыраулар жасауға мүмкіндік беретін схема ұйымдастырған. Олар жалған заңды тұлғалар арқылы виртуалды телефон станцияларын құрып, жергілікті ұялы нөмірлерді сатып алып, зиянды бағдарламалық құралдарды пайдаланған.
Осы әрекеттердің нәтижесінде 4 миллионнан астам қоңырау жасалып, байланыс операторларына 15 миллион теңгеден астам шығын келтірілген.
Тінту кезінде техникалық жабдықтар мен басқа да заттай дәлелдемелер алынды. Қазіргі уақытта сотқа дейінгі тергеу жүргізілуде.
Өзге ақпарат жария етуге жатпайды.
Дереккөз: Inalmaty.kz