Наурызбай ауданында Батыс канализациялық коллекторын салу жобасының кезекті кезеңі басталады, деп хабарлайды Almaty.news ақпарат агенттігі.
Осыған байланысты 17 шілдеден 30 тамызға дейін Бекешев көшесінің Әбділдин көшесінен Белжайлау көшесіне дейінгі учаскесінде көлік қозғалысына уақытша шектеулер енгізіледі.
Жұмыс жүргізу кезеңінде аталған учаскеде қозғалыс жұмыс аймағының шегінде кезең-кезеңімен шектелетін болады.
Алматы қаласы Энергетика және сумен жабдықтау басқармасының хабарлауынша, Батыс канализациялық коллекторы Алматының негізгі инфрақұрылымдық жобаларының бірі болып табылады. Оның құрылысы су бұру жүйесінің сенімділігін арттыруға, қолданыстағы және жаңа тұрғын аудандарды орталықтандырылған кәріз жүйесіне қосу мүмкіндігін қамтамасыз етуге мүмкіндік береді.
Қала тұрғындары мен қонақтары уақытша жол белгілерінің талаптарын сақтауды және қозғалыс бағыттарын алдын ала жоспарлауды сұрайды.
Еске салайық, 14 шілдеден 19 шілдеге дейін Ақан Сері көшесінде Сейфуллин даңғылынан Котельников көшесіне дейінгі учаскеде қозғалыс жабық. 8 шілдеден бастап жылу желілерін қайта жаңарту кезінде Немирович-Данченко бойынша Рысқұловтан Райымбекке дейінгі батыс жағында қозғалыс ішінара шектелген. 13 шілдеден бастап Снегин көшесінде Мендіқұлов пен Достық даңғылы аралығындағы Самал-2 шағын ауданында қозғалыс шектелген. 29 шілдеге дейін Төле би көшесінде Жуалыдан Райымбекке дейінгі учаскеде инженерлік желілерді жөндеуге байланысты қозғалыс уақытша шектелген. 31 шілдеге дейін Сыздық көшесінің екі учаскесінде – Сыздық-Қайдар және Сыздық-Момышұлы қиылыстарында қозғалыс жабық. 14 шілдеден 25 тамызға дейін Төле би көшесінің Әшімов көшесінен Алатау көшесіне дейінгі учаскесі жабық.
Дереккөз: Inform.kz