Алматыда Абай даңғылы мен Жароков көшесінің қиылысында газ құбырын тарту жұмыстарына байланысты көлік қозғалысы уақытша шектеледі, деп хабарлайды Almaty.news ақпарат агенттігі.
Шектеу 1 тамыз сағат 06:00-ден 2 тамыз сағат 24:00-ге дейін қолданылады. Бұл туралы «QazaqGaz Aimaq» АҚ Алматы өндірістік филиалының баспасөз қызметі мәлімдеді.
Өзгерістер Абай даңғылы мен Жароков көшесінің қиылысында газ құбырының өткелін салуға байланысты.
Газ тарату желілерін салу және жаңғырту жобасы аясында Абай даңғылы мен Жароков көшесінің қиылысында газ құбырының өткелін орнату жұмыстары жүргізіледі,
делінген хабарламада.
Құрылыс-монтаж жұмыстары кезінде учаскедегі қозғалыс уақытша шектеледі. Компанияда бұл жоба қаланың газбен жабдықтау жүйесінің сенімділігін арттыруға бағытталғанын атап өтті.
Жұмыстар қаланың газбен жабдықтау жүйесін одан әрі дамытуға және сенімділігін арттыруға бағытталған,
деп түсіндірді баспасөз қызметінде.
Алматы тұрғындары мен қонақтары жол жүру бағытын алдын ала жоспарлап, уақытша шектеулерді ескеріп, жол белгілері мен жол қозғалысы қауіпсіздігін қамтамасыз ететін қызметкерлердің нұсқауларын орындауы сұралады.
Алматы өндірістік филиалы уақытша қолайсыздықтар үшін кешірім сұрап, тұрғындарға түсіністік танытқаны үшін алғыс білдірді.
Дереккөз: Nur.kz