Алматыда 2026 жылдың 1 мамырынан бастап жылу және ыстық су тарифтері өзгерді. Жаңа тарифтер тұтынушылардың санаттары мен есептеуіш құрылғыларының болуына қарай сараланған, деп хабарлайды Almaty.news ақпарат агенттігі.
Халық үшін жылу тарифі 7503,35 теңге/Гкал-дан 7878,51 теңге/Гкал-ға (ҚҚС-сыз) өсті. Ал ортақ үй есептеуіші жоқ тұрғындар үшін тариф 9004,01 теңге/Гкал-дан 9454,21 теңге/Гкал-ға (ҚҚС-сыз) көтерілді. Ортақ үй есептеуіші бар тұтынушылар үшін тариф 7364,88 теңге/Гкал-дан 7733,12 теңге/Гкал-ға өзгерді.
Ыстық су тарифтері де өзгерді. Есептеуіші жоқ көпқабатты үйлерде (биіктігі 75 м-ге дейін, орталықтандырылған ыстық сумен жабдықтау) бір адамға айына 2031,47 теңге (ҚҚС-сыз) төлем белгіленді. Жеке есептеуіші бар тұтынушылар үшін ыстық судың бір текше метрі 588,81 теңге (ҚҚС-сыз) болады.
Тозығы жеткен, авариялық үй-жайлар мен барақ типтес үйлерде тұратындар үшін жеке төлем мөлшері бекітілді. Бұл үйлерде ортақ үй есептеуішін орнатудың техникалық мүмкіндігі жоқ.
Бұйрық қол қойылған күннен бастап күшіне енеді.
Дереккөз: Zakon.kz