Алматыда түнгі қуғынға түскен 19 жастағы жүргізушінің көлігі айып тұрағына қойылып, өзі жауапкершілікке тартылды, деп хабарлайды Almaty.news ақпарат агенттігі.
Мәліметтерді 21 қазан 2026 жылы қалалық полиция департаментінің баспасөз қызметі жариялады. Нөмірсіз Toyota көлігін Алматының 19 жастағы тұрғыны басқарған. Оны көлік басқарудан шеттетіп, көлікті арнайы айып тұрағына жіберді.
Жүргізуші бірнеше құқықбұзушылық құрамы бойынша жауапкершілікке тартылды.
Жолда өзіне сенімділікке де, жауапкершіліктен қашуға тырысушылыққа да орын жоқ. Айналадағылардың қауіпсіздігіне төнетін кез келген шешім ауыр салдарға әкелуі мүмкін.
Сол күні Алматы полицейлері Есік қаласынан келген отбасына ұлын кептелістен өтіп, ауруханаға шұғыл жеткізуге көмектескені де белгілі болды.