Алматыда Бостандық ауданындағы тұрғын үй кешенінің бірінде ер адам 11-қабаттан құлап, қаза тапты, деп хабарлайды Almaty.news ақпарат агенттігі мегаполистің ПД сілтемесімен.
Алдын ала мәліметтер бойынша, 37 жастағы ер адам тұрғын үй кешеніндегі өз пәтерінің терезесінен құлаған. Зардап шеккенді алғаш рет кешеннің күзетшісі байқап, ол дереу жедел қызметтерді шақырып, алғашқы көмек көрсетуге тырысқан.
Оқиға орнына жедел жәрдем бригадасы мен полиция қызметкерлері келген. Зардап шеккенді шұғыл түрде медициналық мекемеге жеткізген. Дәрігерлердің күш-жігеріне қарамастан, ер адам есін жимастан қайтыс болды.
Қайтыс болған адамның жеке басы анықталған, ол осы тұрғын үй кешенінде тұрған. Қазіргі уақытта оқиғаның мән-жайы мен себептері анықталып жатыр.
Дереккөз: Inalmaty.kz