Алматыда түнгі мекемелердің қызметін бақылау және кәмелетке толмағандар арасындағы құқық бұзушылықтың алдын алу күшейтілді, деп хабарлайды Polisia.kz. Медеу ауданындағы түнгі клубтардың бірін тексеру кезінде полицейлер заңды өкілдерінсіз түнгі уақытта мекемеде болған екі жасөспірімді анықтады, деп хабарлайды Almaty.news ақпарат агенттігі.
Осы факті бойынша кәмелетке толмағандардың ата-аналарына бала тәрбиесі бойынша міндеттерін тиісінше орындамағаны үшін әкімшілік материалдар жасалды. Сонымен қатар, жасөспірімдерді тыйым салынған уақытта түнгі клубқа жібергені үшін мекеме иесі де жауапқа тартылды.
Сот шешімімен клубтың қызметі уақытша тоқтатылды.
Медеу ауданы полиция басқармасының бастығы Жәнібек Шынасиловтың айтуынша, ойын-сауық мекемелерінің иелеріне кәмелетке толмағандардың түнгі уақытта мұндай орындарда болуына жол бермеу туралы бірнеше рет ескерту жасалған. Ол бұл бағыттағы бақылау күшейетінін және мұндай бұзушылықтар үшін қатаң жауапкершілік қарастырылғанын атап өтті.
Дереккөз: Inalmaty.kz