Алматыдағы Көкжайлау шатқалы маңында ТЖМ құтқарушылары түнде тауда адасып кеткен шетелдік студентті тауып, қауіпсіз жерге эвакуациялады, деп хабарлайды Almaty.news ақпарат агенттігі ҚР Төтенше жағдайлар министрлігіне сілтеме жасап.
Шақырушылардың айтуынша, студенттің ұялы телефоны байланыс аймағынан тыс жерде болған.
Іздеу-құтқару жұмыстарына ҚР ТЖМ «Барыс» РЖЖ жедел тобы дереу жолға шықты. Жұмыс жүргізілетін ауданға келген соң құтқарушылар таулы жерді тексеруге кірісті. Іздеу түнгі уақытта көріну шектеулі жағдайда жүргізілді. Нәтижесінде Көкжайлау шатқалының төменгі жағынан туристік топтан бұрын қалып қойған Иран азаматы – студент табылды. Жігіт тау беткейінде жатып ұйықтап жатқан, — деп атап өтті ҚР ТЖМ.
Тексеруден кейін оған медициналық көмек қажет емес екені анықталды. Құтқарушылар оны ертіп, таулы жерден қауіпсіз түсуді қамтамасыз етті.
ТЖМ тауға шығар алдында жақындарыңызға нақты бағыт пен жорық уақыты туралы міндетті түрде хабарлауды ескертеді.
Еске сала кетейік, ТЖМ өртті ерте анықтау камералары арқылы ұлттық саябақтардағы өрттерді бақылайтын болады.
Дереккөз: Inform.kz