Алматы қаласының мамандандырылған ауданаралық экономикалық соты қалалық табиғат қорғау прокуратурасының талабын қанағаттандырып, «Тартып» АҚ-ның «АҚ Тәртіп» ЖШС-не қайта құрылуын және мемлекеттік тіркеу актілерін жарамсыз деп таныды, сондай-ақ компаниядағы 33,98% үлесті мемлекетке қайтаруды бұйырды, деп хабарлайды Almaty.news ақпарат агенттігі.
Алматы прокуратурасының мәліметінше, сотқа жүгінуге мемлекеттік үлестің төмендетілген бағамен сатылуы себеп болған.
Қадағалау органы 2023 жылғы 12 шілдедегі сот шешімімен 2017 жылғы 18 қазанда жасалған мемлекеттік үлесті сатып алу-сату шарты жарамсыз деп танылғанын еске салды. Кейін «Тартып» АҚ «АҚ Тәртіп» ЖШС болып қайта құрылды.
«АҚ Тәртіп» ЖШС Алматыдағы тұрмыстық қатты қалдықтарды жинау және шығару бойынша ірі операторлардың бірі болып табылады. Компания 1999 жылы құрылған «Тартып» коммуналдық кәсіпорнының базасында құрылған.
2026 жылғы 30 шілдеде сот прокуратураның талабын толық қанағаттандырып, компаниядағы 33,98% үлесті мемлекетке қайтаруды бұйырды.
Сот шешімі заңды күшіне енген жоқ.
Бұған дейін ҚР Экология және табиғи ресурстар министрлігі 2026 жылдың бірінші тоқсанының қорытындысы бойынша тұрмыстық қатты қалдықтарды қайта өңдеу және кәдеге жарату деңгейі ең жоғары және ең төмен өңірлерді атаған болатын.
Дереккөз: Inform.kz