2026 жылдың бірінші жартыжылдығында Алматы халықаралық мәдени ынтымақтастықты айтарлықтай кеңейтті. Қалалық Мәдениет басқармасының хабарлауынша, алты ай ішінде әлемдік жұлдыздардың қатысуымен 37 концерт ұйымдастырылып, қалалық мәдениет мекемелері Қазақстанды әлемнің 10-нан астам қаласында таныстырды, деп хабарлайды Almaty.news ақпарат агенттігі.
Маңызды оқиғалардың бірі – 26 маусымда Шанхай тарихи мұражайында «Дәстүр сабақтастығы: ата-баба мұрасы» халықаралық көрмесінің ашылуы. Экспозиция Алматы мұражайлар бірлестігі қорларынан 100-ге жуық бірегей экспонатты біріктіріп, келушілерді қазақ халқының тарихы мен мәдениетімен таныстырды.
Наурыз мерекесін тойлау аясында «Сазген сазы» фольклорлық-этнографиялық ансамблі «Алматы әуендері» КМКК Австриядағы аты аңызға айналған Вена концерт залының сахнасында керемет концертпен өнер көрсетті.
Сондай-ақ, бірінші жартыжылдықта Мемлекеттік академиялық қуыршақ театры Румыния мен басқа елдердегі халықаралық фестивальдерде өз қойылымдарын ұсынды.
Дереккөз: Almaty.tv