11 маусымда Алматы хайуанаттар бағында сырттағы температура +30°C шамасында болған кезде түсірілген видеода ақ аюдың ағаш көлеңкесінде демалып, ауыр тыныс алғаны көрінеді. Бұл видео Treads әлеуметтік желісіндегі пайдаланушыны алаңдатты, деп хабарлайды Almaty.news ақпарат агенттігі.
Алматы хайуанаттар бағы мамандары Пурга есімді ақ аюға жазғы ыстықта жайлы жағдай жасалғанын мәлімдеді. Оның қарамағында суық суы бар екі бассейн, өнеркәсіптік кондиционерлері бар салқындатылатын ін, сондай-ақ мұз және қар генераторлары бар.
Хайуанаттар бағында Пурганың торы халықаралық стандарттарға сай жабдықталған және ақ аюларды ұстауға арналған ең жарақтандырылған кешендердің бірі екенін атап өтті. Ол үлкен аумақты алып, жануарға қозғалу, жүзу, демалу және табиғи белсенділік таныту үшін жеткілікті орын береді. Сондай-ақ оның «іні» арктикалық жануарларды ұстаудың үздік әлемдік тәжірибелері ескеріле отырып жасалған және ыстық күндердің өзінде қолайлы жағдайды қамтамасыз ететін заманауи салқындату жүйелерімен жабдықталған.
Бұған дейін Алматы хайуанаттар бағында келушілердің Джума есімді арыстанның назарын аудару үшін оған тас лақтырғаны туралы хабарланған болатын.
Дереккөз: Zakon.kz