Алматы хайуанаттар бағының тұрғыны арыстан Жұмаға шабуыл жасалды — келуші әйел оған тас лақтырған, деп хабарлайды Almaty.news ақпарат агенттігі NUR.KZ-ке сілтеме жасап.
Хайуанаттар бағының әкімшілігі Instagram-дағы жазбасында келушілердің бірі арыстан Жұмаға тас лақтырғанын мәлімдеді. «Өкінішке қарай, біздің арыстан Жұма тағы да келушілердің жауапсыз мінез-құлқының құрбаны болды. Бұл жолы келуші әйел жануардың назарын аудару үшін оған тас лақтырды. Естеріңізге саламыз, мұндай әрекеттерге жол берілмейді. Жануарларға кез келген зат лақтыру, торларды қағу, мазақтау немесе әдейі мазалау хайуанаттар бағына кіру ережелерімен қатаң тыйым салынған», — делінген ұйымның хабарламасында.
Хайуанаттар бағындағы жануарлар — ойын-сауық пен тәжірибе нысаны емес. Мұндай әрекеттер оларға стресс, жарақат әкеліп, амандығына кері әсер етуі мүмкін.
Хайуанаттар бағы әкімшілігі бұл оқиғаға дереу ден қойды. Барлық материалдар, оның ішінде бейнебақылау камераларының жазбалары және тиісті арыз полиция органдарына қарау және қолданыстағы заңнама аясында шара қолдану үшін жіберілді. Ұйым келушілерді жануарларға құрметпен қарауға және кіру ережелерін сақтауға шақырды. «Жануарлардың қауіпсіздігі мен амандығы — біздің сөзсіз басымдығымыз», — деп мәлімдеді хайуанаттар бағында.
Дереккөз: Nur.kz