Алматыда №38 бағыттағы жолаушылар автобустарының толып кетуіне қатысты қала билігі түсініктеме берді, деп хабарлайды Almaty.news ақпарат агенттігі.
Оқиға №38 бағытта тіркелген. Әлеуметтік желідегі жазбаға Көлік басқармасы жауап қайтарды.
Ведомство рейстер санын көбейту мен қозғалыс кестесін түзету қолданыстағы көлік жүктемесі сақталған жағдайда мәселені толық шешуге мүмкіндік бермейтінін атап өтті.
Бұған дейін Алматыда №118 бағытта ұқсас жағдай бейнеге түсірілген болатын. Жол қозғалысын ұйымдастыру және жолаушылар көлігі басқармасы мұндай жағдайларды болдырмау үшін қазіргі уақытта қарбалас сағаттардағы қозғалыс кестелері әзірленіп жатқанын хабарлады.