21 мамырда Алматыда Орталық және Талды көшелерінің учаскелерінде жол жөндеу жұмыстарына байланысты қозғалыс уақытша шектеледі, деп хабарлайды Almaty.news ақпарат агенттігі.
Әкімдіктің мәліметінше, шектеулер 21 мамыр күні сағат 08:00-ден 23:00-ге дейін күшінде болады. Жабылатын учаске — Салықова көшесінен Жәңгір хан көшесіне дейінгі аралық. Бұл аймақта жолдың орташа жөндеу жұмыстары жүргізіледі.
Жөндеу орнында ескерту белгілері мен мердігер ұйым басшысының байланыс деректері көрсетілген ақпараттық стендтер орнатылады.
Қала тұрғындары мен қонақтары кептеліс пен айналма жолдарды болдырмау үшін бағытты алдын ала жоспарлауға шақырылады.
Дереккөз: Nur.kz