Қазақстандық фигурист Михаил Шайдоров 29 мамырда берген уәдесін орындап, 4 маусымда Алматыда жас спортшыларға сертификаттар табыс етті, деп хабарлайды Almaty.news ақпарат агенттігі.
Спортшы бұл туралы Instagram-Stories парақшасында көрсетіп, қолдау көрсеткендерге тағы да алғыс айтты. Еске сала кетейік, 29 мамырда Шайдоров ҚР Туризм және спорт министрлігімен жаңа келісімшартқа қол қойылмағаннан кейін төленбеген жалақысын балаларға беруге шешім қабылдаған еді.
«Мен маусымға қаржыландыруды, оның ішінде дайындық пен жиындарды ұйымдастыруды алсам, барлық төленбеген жалақымды Балаларды қорғау күніне орай балаларды қолдауға жұмсаймын деп шештім. Бұл менің және мені қолдайтын барлық қазақстандықтардың сыйлығы болсын. Балалар – біздің болашағымыз, біз оларды бағалауымыз керек», – деді ол.
1 маусымда ҚР Спорт министрлігі олимпиада чемпионы Михаил Шайдоровпен жаңа келісімшартқа қол қойылғанын хабарлады. Туризм және спорт вице-министрі Серік Жарасбаевтың айтуынша, «келісімшарттан туындайтын міндеттемелер орындалып, барлық тиісті төлемдер жүргізіледі».
Дереккөз: Zakon.kz