Алматыдағы RAMS Sayahat тұрғын үй кешенінің бірінші кезегінің тұрғындары үшін мерекелік шара өтті. Қонақтарға арналған ойын-сауық бағдарламасы, балалар анимациясы, музыкалық сүйемелдеу, сыйлықтар ұтыс ойыны және болашақ тұрғындарға кілттерді салтанатты түрде тапсыру рәсімі ұйымдастырылды, деп хабарлайды Almaty.news ақпарат агенттігі.
Жаңа тұрғын үй кешені қаланың ең танымал әрі сүйікті аудандарының біріне үйлесімді еніп, заманауи сәулет пен Саяхаттың тарихи атмосферасын біріктірді. Жоба тек жайлы тұрғын орта мен дамыған инфрақұрылымды ғана емес, сонымен қатар қоғамдық кеңістікті абаттандыруды да көздейді. Жақын арада тұрғындар мен қала қонақтары үшін серуендеу саябағы және ауданның басты символдарының бірі – атақты сағат мұнарасы ашылады.
Сағат мұнарасы Алматыдағы тұрақты «Саяхат» автовокзалының ашылуымен бірге 1967 жылы пайда болды. Дәл сол кезде автовокзал ғимаратының жанында салынған әйгілі сағат мұнарасы кейіннен бірнеше ұрпақ алматылықтар үшін ауданның танымал белгілері мен символдарының біріне айналды. Жақында жаңартылған Алматы уақыт символы қала өмірінің бір бөлігіне айналады.
RAMS Sayahat компанияның қалалық өмірдің жайлылығы, дамыған инфрақұрылым және Алматының тарихи мұрасына құрметті үйлестіретін заманауи тұрғын кеңістіктерді құру тұжырымдамасын жалғастырады.
Дереккөз: Zakon.kz