Алматыда Жұбанов көшесінің бойындағы қозғалыс бір түнге жабылады. Шектеу 3 қыркүйек кешкі сағат 23:00-ден 4 қыркүйек таңғы 05:00-ге дейін жалғасады, деп хабарлайды Almaty.news ақпарат агенттігі.
Almaty Joly Telegram-арнасының мәліметінше, Жұбанов көшесінің бір бөлігінде орташа жөндеу жұмыстары жүргізілетіндіктен, уақытша шектеулер енгізіледі.
«Отеген батыр көшесінен Алтынсарин даңғылына дейінгі аралықта асфальтбетон жабынының үстіңгі қабатын төсеуге байланысты 3 қыркүйек сағат 23:00-ден 4 қыркүйек сағат 05:00-ге дейін қозғалыс толығымен жабылады», — делінген ведомство хабарламасында.
Жөнделіп жатқан учаскеде ескерту белгілері қойылатыны атап өтілді. Жөндеу жұмыстарының мерзімі ауа райы жағдайына немесе өндірістік қажеттілікке байланысты өзгеруі мүмкін.