Алматыда тұрақты туризмге арналған алғашқы өңірлік саммит өтеді. Іс-шараға Қазақстан, Өзбекстан, Қырғызстан, Тәжікстан және Түрікменстаннан 150-ге жуық делегат пен халықаралық сарапшылар қатысады, деп хабарлайды Almaty.news ақпарат агенттігі.
Дүниежүзілік туризм және саяхат кеңесінің (WTTC) деректері бойынша, 2025 жылы туризмнің жаһандық ЖІӨ-ге қосқан жиынтық үлесі 10 трлн еуроға жетіп, бұл әлемдік экономиканың 10,3 пайызын құрады. Өткен жылы Орталық Азия елдеріне 238 миллионнан астам шетелдік турист келген, ал жалпы туристік ағын 2023 жылдан бері 37 пайызға өскен.
Саммиттің негізгі тақырыптары: Орталық Азия елдеріндегі тұрақты туризмнің өзекті мәселелері мен шешімдері; өңір және әлем елдерінің туризмін дамытудың нақты мысалдарын талдау; Central Asia Tourism Investment Forum 2026 (CATIF’26) – тұрақты туризм саласындағы жобаларға арналған бірегей жыл сайынғы инвестициялық платформаның тұсаукесері.
Іс-шара барысында өңірдегі университет студенттері арасында Қор логотипіне конкурстың финалистері анықталып, 50 000 АҚШ доллары көлемінде микрогранттар конкурсы жарияланады.
Саммит онлайн форматта да өтеді, оған 3000-нан астам қатысушы қосыла алады. Трансляция STDFoundation арнасында сілтеме бойынша қолжетімді болады.
Саммитті Oi-Qaragai тау шаңғы курорты қабылдайды. Қонақтарды жинау 09:00-де, іс-шараның басталуы 09:30-да. Кіру тек шақыру бойынша. Трансляция ашық.
Ұйымдастырушы: Sustainable Tourism Development Foundation (STDF). Демеуші: IGM Advisers Group. Стратегиялық серіктес: Qazaq National Parks (QNP). Ресми серіктес: Oi-Qaragai. Серіктестер: Visit Almaty (Алматы қаласының туризм басқармасы), Global Sustainable Tourism Council (GSTC), Kazakhstan Tourism Development, Іле-Алатау ұлттық паркі, Тұрақты даму институты (SKRI), Қазақстан туризм қауымдастығы (КТА), KAGIR, Қазақстандағы Британ сауда палатасы, CCI France Kazakhstan, Қазақстандағы Австрия сауда палатасы (Advantage Austria), DDA креативті агенттігі, XYZ венчурлық студиясы, Artyushenko & Partners заң фирмасы.
Ақпараттық серіктестер: Zakon.kz, «Деловой Казахстан», «Ветер странствий», BES.media, Aifstan.info.
Дереккөз: Zakon.kz