Алматы облысының Қарасай ауданында түнде іздестіру-құтқару операциясы жүргізілді. Жігіт пен қыз «Терра» алаңы маңында, шамамен 2 600 метр биіктікте адасып қалды, деп хабарлайды Almaty.news ақпарат агенттігі ҚР Төтенше жағдайлар министрлігіне сілтеме жасап.
112 нөміріне жігіт қоңырау шалып, қызбен бірге тауда бағдарын жоғалтқанын айтқан. Телефон заряды таусылып, олармен байланыс үзілген.
Іздеуге Алматы қаласының мониторинг және жедел реагирование орталығының құтқарушылары шықты.
Нәтижесінде 2006 жылы туған жігіт пен 2005 жылы туған қыз табылды. Құтқарушылар оларды «Алма-Арасан» тұрағына дейін алып барды. Медициналық көмек қажет болмады, олар үйлеріне өздері кетті.
ҚР ТЖМ тауға барар алдында жақындарына маршрутты алдын ала хабарлау, ауа райы болжамын тексеру, толық зарядталған телефон мен сыртқы аккумулятор алу, қауіпсіз маршруттардан ауытқымау қажеттігін ескертті.
Еске салайық, 24 тамызда Үлкен Алматы көлінің жанындағы тауларда құтқарушылар шамамен 2 500 метр биіктікте маршруттан адасқан төрт қызға көмектескен. Оларға медициналық көмек қажет болмаған.
Сондай-ақ, 6 тамызда Алматы облысында құтқарушылар Ресейден келген екі туристі 3 510 метр биіктіктен эвакуациялаған. Олар Талғар ауданында жорық кезінде жарақат алған.