29 сәуірде түнгі 00:00-ден 06:00-ге дейін Алматыдағы Розыбакиев көшесінің Байқадамов көшесінен Өтепов көшесіне дейінгі бөлігінде екі бағытта да көлік қозғалысы уақытша шектелді, деп хабарлайды Almaty.news ақпарат агенттігі.
Алатау Жарық Компаниясының мәліметінше, шектеулер Әуезов көшесіне де әсер етеді — Атакент ауданына кіреберіс (Тимирязев көшесіне параллель).
Уақытша шектеулердің себебі — ашық тәсілмен 10 кВ кернеулі кабель желісінің екі өткелін орнату жұмыстары. Жұмыстар «6 кВ желілерін 10 кВ кернеуге ауыстыру (ПС-6А, ПС-168А, 2-кезең)» жобасы аясында «SARYARKA-MS» ЖШС мердігерлік ұйымымен жүргізілуде.
Жоба Алматы тұтынушыларын электрмен жабдықтаудың сенімділігі мен сапасын арттыруға бағытталған.
Қала тұрғындары мен қонақтарын жүрген кезде уақытша шектеулерді ескеруге шақырады.
Бұған дейін Розыбакиев — Штраус және Розыбакиев — Жандосов көшелерінің қиылысында қозғалыс ішінара шектелген болатын.
Сонымен қатар, қалада басқа да жол шектеулері жалғасуда. Құрылыс-монтаж жұмыстарына байланысты Строительная көшесінің бір бөлігінде қозғалыс 10 маусымға дейін шектелген. Сондай-ақ, Сериков пен Хамит Алтай көшелерінің қиылысы жөндеу жұмыстарына байланысты 30 маусымға дейін жабық.
Дереккөз: Inform.kz