Алматыда білім беру жүйесінің жақын болашағын айқындайтын форум басталды. Іс-шара Цифрландыру және жасанды интеллект жылына арналған. Педагогтар, әзірлеушілер және басқарушылар бір алаңға жиналып, оқу процесін өзгерте бастаған нақты шешімдерді талқылады. Бұл жолы оқыту үдерісіне жасанды интеллекттің тұтас экожүйесін құру туралы сөз болды, деп хабарлайды Almaty.news ақпарат агенттігі.
Жоба жетекшісі Санжар Кенжеханның айтуынша, олар оқушылардың оқу сауаттылығын арттыру, кәсіптік бағдар беру, білімін бағалау және кез келген цифрлық контент жасау үшін қосымша платформалар ұсынады. Бұған бейнелер, презентациялар, сабақ жоспарлары, оқушының жеке бағасы мен ұсыныстары кіреді.
«Біз қосымша меншікті платформаларды ұсынамыз: оқу сауаттылығын арттыру, кәсіптік бағдар беру, оқушылардың білімін бағалау және кез келген цифрлық контент жасау. Оған бейнелер, презентациялар, сабақ жоспарлары, оқушының жеке бағасы мен ұсыныстары кіреді. Міне, осының бәрі біздің қызметтеріміздің тізіміне енеді», — деді жоба жетекшісі Санжар Кенжехан.
Форумда практикалық әзірлемелерге ерекше көңіл бөлінді. Қонақтарға мұғалімнің ИИ-ассистенттері көрсетілді, олар күнделікті тапсырмаларды автоматтандыруға көмектесіп, мұғалімдердің оқушылармен тікелей жұмыс істеуіне уақыт бөледі. Күн бойы балабақша, мектеп және колледж директорлары жаңа цифрлық құралдарды нақты уақытта сынап көрді.
«Егер мұндай технологияларды жүйелі түрде енгізсе, бұл сабақтардың тиімділігін арттырып, мұғалімнің уақытын айтарлықтай үнемдейді. Біз тексеру мен дайындыққа аз уақыт жұмсап, балалармен жұмыс істеуге көбірек көңіл бөлеміз», — деді №216 мектеп директоры Гүлназ Түнгішбаева.
Дереккөз: Almaty.tv