Алматы қаласының прокуратурасының мәліметінше, өткен тәулікте қалада жол қозғалысы ережелерінің 1560 бұзушылығы тіркелді, деп хабарлайды Almaty.news ақпарат агенттігі.
Анықталған бұзушылықтардың ішінде:
- мас күйінде көлік жүргізу – 9 факт;
- жүргізу құқығынан айырылған адамның көлік жүргізуі – 1;
- жалған мемлекеттік тіркеу нөмірімен көлік жүргізу – 2 факт;
- маневр жасау ережелерін бұзу, оның ішінде қауіпті маневр («шашки») – 77 факт;
- қауіпсіздік белдігін тақпау – 63 факт;
- қарсы бағыттағы жолаққа шығу – 5 факт;
- көлік жүргізу кезінде ұялы телефонды пайдалану – 39 факт.
Сонымен қатар, мамандандырылған тұраққа 42 көлік қойылды.
Бұған дейін Алматыда полиция қызметкерлері мас күйінде мопед жүргізген ер адамды ұстаған болатын.