Алматыда Жеңіс күні 9 мамырда ауа температурасы +31+33°С-қа дейін көтеріліп, жауын-шашынсыз ыстық ауа райы сақталады. Бірақ синоптиктердің болжамынша, циклонның келуімен бірнеше күн ішінде ауа температурасы күрт төмендеп, нөсерлі жаңбыр басталады, деп хабарлайды Almaty.news ақпарат агенттігі.
«Қазгидромет» РМК Алматы және Алматы облысы бойынша филиалының жетекші инженер-синоптигі Дәулет Кисебаевтың айтуынша, 9 мамырда қалада жауын-шашын күтілмейді, тек таулы аудандарда қысқа мерзімді жаңбыр мен найзағай ойнауы мүмкін. Алайда 10 мамырдан бастап ауа температурасы күрт төмендеп, қатты жаңбыр жауады.
«13 мамырда жаңбыр тоқтайды, бірақ салқын сақталады. Біртіндеп жылыну келесі демалыс күндеріне қарай басталады: температура көтеріліп, ауа райы жайлы болады», — деді Дәулет Кисебаев.
Толық күнтізбелік болжам:
9 мамыр: айнымалы бұлттылық, жауын-шашынсыз. Оңтүстік-батыстан жел 3-8 м/с, күндіз екпіні 13 м/с-қа дейін. Түнде +18+20°С, күндіз +31+33°С.
10 мамыр: айнымалы бұлттылық, таңертең және күндіз жаңбыр, найзағай, кешке қатты жаңбыр. Оңтүстік-батыстан жел 3-8 м/с, екпіні 15-18 м/с. Түнде +16+18°С, күндіз +20+22°С.
11 мамыр: бұлтты, жаңбыр, кейде қатты, найзағай. Батыстан, солтүстік-батыстан жел 3-8 м/с, екпіні 15-18 м/с. Түнде +10+12°С, күндіз +18+20°С.
12 мамыр: айнымалы бұлттылық, кейде жаңбыр, найзағай. Солтүстік-батыстан солтүстік-шығысқа ауысатын жел 3-8 м/с, екпіні 15 м/с-қа дейін. Түнде +8+10°С, күндіз +13+15°С.
13 мамыр: айнымалы бұлттылық, жауын-шашынсыз. Солтүстік-шығыстан жел 3-8 м/с, екпіні 13 м/с-қа дейін. Түнде +4+6°С, күндіз +15+17°С.
14 мамыр: айнымалы бұлттылық, жауын-шашынсыз. Солтүстік-шығыстан, шығыстан жел 3-8 м/с. Түнде +7+9°С, күндіз +19+21°С.
15 мамыр: айнымалы бұлттылық, жауын-шашынсыз. Шығыстан жел 3-8 м/с. Түнде +10+12°С, күндіз +21+23°С.
Дереккөз: Zakon.kz