Алматыда құтқарушылар тауда жүрген кезінде жарақат алған жас жігітке көмек көрсетті, деп хабарлайды Almaty.news ақпарат агенттігі ҚР ТЖМ-не сілтеме жасап.
Бостандық ауданында, Үлкен Алматы көлі ауданында, теңіз деңгейінен шамамен 2500 метр биіктікте 2006 жылы туған жігіт құлап, басынан жарақат алды.
Зардап шеккенге көмекке мониторинг және жедел ден қою орталығының құтқарушылары «БАУ» бақылау-құтқару пунктінің қызметкерлерімен бірге шықты.
Жігіт құтқарушылармен байланыста болды, осының арқасында оның нақты геолокациясын анықтау мүмкін болды.
Оқиға орнына жеткен мамандар зардап шеккенге тау учаскесінен түсуге көмектесті. Одан кейін апаттар медицинасы орталығының қызметкерлері оны қажетті көмек көрсету үшін Алматыдағы медициналық мекемеге жеткізді.
Бұған дейін Сатпаев шыңынан түсу кезінде үш қыз адасып кеткені хабарланған болатын.