Алматыда тұрғындарды қолжетімді азық-түлікпен қамтамасыз ету және бағаны тұрақтандыру мақсатында «Алматы» ӘКК ұйымдастыратын «демалыс күнгі» жәрмеңкелер жалғасуда, деп хабарлайды Almaty.news ақпарат агенттігі.
Жәрмеңкелер әр сенбі және жексенбі күндері сағат 09:00-ден 18:00-ге дейін келесі мекенжайлар бойынша өтеді:
- Қазақфильм шағын ауданы (Бостандық ауданы);
- Рысқұлбеков көшесі, 33/2 (Әуезов ауданы);
- Меңдіқұлов пен Бектұров көшелерінің қиылысы (Медеу ауданы);
- Масанчи көшесі, Айтеке би мен Гоголь аралығы (Алмалы ауданы);
- Құлагер шағын ауданы (Жетісу ауданы).
Сонымен қатар, Қазақфильм шағын ауданы мен Әуезов ауданындағы жәрмеңкелер жаңғыртылып, инфрақұрылым жаңартылып, сатып алушылар мен сатушыларға қолайлы жағдай жасалуда.
2026 жылдың басынан бері 8,5 мың тонна өнім сатылып, жәрмеңкелерге 60 мыңнан астам адам келген.
Алматының Жетісу ауданы Құлагер шағын ауданында жаңа сауда алаңы 2026 жылдың 16 мамырынан бастап жұмыс істей бастады.
Дереккөз: Zakon.kz