14 мамырда Қазақстанның бес қаласында қолайсыз метеорологиялық жағдайлар (ҚМЖ) күтіледі. Тұрғындарға жол жүру кезінде ауа райы факторларын ескеру ұсынылады, деп хабарлайды Almaty.news ақпарат агенттігі.
Синоптиктердің мәліметінше, 14 мамырда ҚМЖ Алматыда, түнде Астанада, Жезқазғанда, Қарағандыда және Теміртауда болжанады.
Қолайсыз метеорологиялық жағдайлар — бұл қысқа мерзімді метеофакторлардың (тымық, әлсіз жел, тұман, инверсия) жиынтығы, олар атмосфералық ауаның жерге жақын қабатында зиянды (ластаушы) заттардың жиналуына ықпал етеді.
ҚМЖ туындаған кезде елді мекендерде атмосфералық ауа сапасының нашарлауы мүмкін, бұл адам денсаулығына әсер етеді.
Ластану деңгейін анықтайтын маңызды факторлардың бірі — синоптикалық жағдайдың (жел, жауын-шашын, ылғалдылық, ауа температурасы) болжамы.
Қолайсыз метеорологиялық жағдайлар кезінде ұсынылады: өкпенің созылмалы аурулары, жүрек-қан тамырлары, аллергиялық аурулары бар адамдарға ашық ауада жүргенде қажетті дәрі-дәрмектерді өзімен бірге алып жүру; ашық ауада дене жүктемесін шектеу. Дене шынықтыру және спортпен жабық спорт кешендерінде айналысу.
Бұған дейін Қазақстанда аяз бен +35 градусқа дейінгі ыстық күтілетіні хабарланған еді.
Дереккөз: Inform.kz