Алматы қаласы Қоғамдық денсаулық сақтау басқармасы (ҚДСБ) Медициналық және фармацевтикалық бақылау комитеті өкілінің мәлімдемесіне жауап берді. Ол бойынша, қаладағы бір емхана науқастың қайтыс болғаны туралы 24 сағат ішінде хабарламаған, деп хабарлайды Almaty.news ақпарат агенттігі.
Бұған дейін РСК брифингінде Алматы қаласы бойынша Медициналық және фармацевтикалық бақылау комитеті департаментінің басшысы Дәмір Дәулетбаев медициналық ұйым өлім жағдайы туралы 24 сағат ішінде хабарламағанын мәлімдеген еді.
ҚДСБ бұл ақпаратты түсіндіріп, іс жүзінде мәліметтер тіркелген күні WhatsApp арқылы жіберілгенін, бірақ 7 мамырдағы мерекеге байланысты демалыс күні болғандықтан, Комитетке ресми құжат айналымы жүйесі арқылы хабарлау мүмкін болмағанын айтты.
«ҚДСБ мемлекеттік жергілікті атқарушы орган болып табылады және мұндай жағдайларда ақпаратты уәкілетті құрылымдарға беруді қамтамасыз етеді. 7 мамыр Қазақстан Республикасында ресми мереке және демалыс күні болғандықтан, құжаттарды ресми электрондық құжат айналымы жүйесі арқылы жіберу қолданыстағы заңнамаға сәйкес жұмыс күндері мен жұмыс уақытында жүзеге асырылады. Осы себепті Медициналық және фармацевтикалық бақылау комитетінің департаментіне алғашқы хабарлама WhatsApp мессенджері арқылы жедел жіберілді. Хат алмасудың растайтын скриншоттары бар», — деді ҚДСБ өкілдері.
Басқарма 8 мамырда ақпараттың Қазақстан Денсаулық сақтау министрлігіне және Алматы қаласы бойынша Медициналық және фармацевтикалық бақылау комитетінің департаментіне ресми түрде жіберілгенін қосты.
«Қосымша хабарлаймыз, бұл жағдай бойынша төтенше хабарлама тіркелген күні уақытылы толтырылды. Растайтын материалдар мен Комитет департаменті өкілдерімен хат алмасу бар. Өлімнің себебі сот-медициналық сараптама қорытындысы бойынша анықталады», — делінген қалалық Қоғамдық денсаулық сақтау басқармасының мәлімдемесінде.
Дереккөз: Nur.kz