2026 жылдың басынан бері Алматы қаласының Еңбек мобильділігі орталығына 22 мыңнан астам тұрғын жүгінген. Оның 18,7 мыңы ресми жұмыссыз мәртебесін алса, 7,8 мыңнан астам алматылық тұрақты жұмыс тауып үлгерген, деп хабарлайды Almaty.news ақпарат агенттігі.
Қала тұрғындарын жұмыспен қамту бірнеше бағыт бойынша жүргізілуде: кәсіптік оқытудан бастап жас мамандар мен жаңадан бастаған кәсіпкерлерді қолдауға дейін. Бірінші тоқсанда курстарға 104 адам жіберілген, ал 40 мамандық бойынша 282 орын бос тұр. Олардың қатарында: парикмахер, web-әзірлеуші, бухгалтер, бағдарламашы, стоматолог және медицина қызметкерлері бар.
Басқарма мәліметінше, жыл басынан бері 888 адам біліктілігін арттырған. Оның 784-і онлайн, 104-і офлайн форматта оқыған. Сонымен қатар «Бастау Бизнес» жобасы бойынша 406 жаңа кәсіпкер қолдау алған.
Спикердің айтуынша, жастарға ерекше көңіл бөлінуде. Кәсіптік бағдар беру іс-шараларымен 3,6 мыңнан астам оқушы мен студент қамтылған. Жұмыс тәжірибесі жоқ түлектерге арналған «Жастар практикасы» бағдарламасы да жалғасуда. Қазіргі уақытта жастар практикасы бойынша ең сұранысқа ие вакансиялар қатарында парикмахер, web-әзірлеуші, бухгалтер, бағдарламашы, стоматолог және медицина қызметкерлері бар.
2026 жылғы 12 мамырда Еңбек министрлігі Қазақстанда кімге жұмыс табу оңай екенін айтып, тапшы мамандықтар тізімін жариялады.
Дереккөз: Zakon.kz