2026 жылғы 29 сәуірде сағат 00:00-ден 06:00-ге дейін Розыбақиев көшесінің Байқадамов көшесінен Өтепов көшесіне дейінгі бөлігінде екі бағытта да көлік қозғалысына уақытша шектеу енгізіледі, деп хабарлайды Almaty.news ақпарат агенттігі.
Сондай-ақ, шектеулер Әуезов көшесіне де қатысты — Атакент ауданына кіреберіс (Тимирязев көшесіне параллель).
Бұл шаралар «Алатау Жарық Компаниясы» АҚ жүргізетін «ПС-6А, ПС-168А тораптарында 6 кВ желілерін 10 кВ кернеуге ауыстыру (2-кезең)» жобасы аясында 10 кВ кернеулі кабель желісінің екі өткелін ашық тәсілмен орнату жұмыстарына байланысты.
Жоба Алматы қаласы тұтынушыларының электрмен жабдықтау сенімділігі мен сапасын арттыруға бағытталған.
Қала тұрғындары мен қонақтарынан маршруттарын алдын ала жоспарлап, уақытша қолайсыздықтарды түсіністікпен қабылдауларын сұрайды.
Дереккөз: Almaty.tv