Алматыдағы Жетісу ауданында орналасқан кафелердің бірінде түтіндеу туралы хабарлама түскен. Өртті сөндіру барысында жарылыстың алдын алуға мүмкіндік туды, деп хабарлайды Almaty.news ақпарат агенттігі Төтенше жағдайлар министрлігіне сілтеме жасап.
ТЖМ мәліметінше, өрт орнына құтқарушылар жедел жетіп, жоғары дәрежелі ранг бойынша жұмыс істеген. Сөндіруге бес өрт сөндіру оқпаны жұмылдырылған.
Алдымен ведомство өрт аймағынан үш газ баллоны шығарылғанын, бұл «әлеуетті жарылыстың алдын алғанын» хабарлаған. Кейін баллондардың көбірек болғаны анықталды.
«Сөндіру кезінде құтқарушылар қауіпті аймақтан бес газ және екі оттегі баллонын шығарды. Бұл жағдайдың одан әрі ушығу қаупін болдырмауға мүмкіндік берді», — деп атап өтті ТЖМ.
Сағат 17:33-те өрттің толық сөндірілгені белгілі болды. Өрт аумағы 600 шаршы метрді құраған.
Зардап шеккендер жоқ. Өрттің себебі анықталып жатыр.
Дереккөз: Nur.kz