Алматыда полиция көлігіне тас лақтырған әйел ұсталды. Құқық қорғаушылар бұзушының психикалық жай-күйін бағалау үшін жедел жәрдем шақырды, деп хабарлайды Almaty.news ақпарат агенттігі.
Әйелдің полиция көлігіне тас лақтырып, одан кейін оны байқаған полиция қызметкерлерінен қашып кеткен бейнежазбасы Threads желісіндегі almaty.official аккаунтында жарияланды.
Алматы полиция департаментінің хабарлауынша, бейнежазбада тіркелген оқиға бойынша азаматшаның патрульдік көлікке тас лақтырғаны анықталып, ол полиция қызметкерлерімен ұсталды.
Әйелдің жеке басы анықталды. Ол ұсақ бұзақылық үшін жауапкершілікке тартылды. Оның мінез-құлқы орынсыз және себепсіз сипатта болды. Осыған байланысты Алмалы ауданы полиция басқармасына оның психоэмоционалдық жай-күйін бағалау үшін жедел медициналық жәрдем бригадасы шақырылды, — деп мәлімдеді ведомствода.
Дереккөз: Nur.kz