18 маусымнан бастап Алматыда бірнеше жол учаскесінде біржақты қозғалыс енгізіледі. Жаңа қозғалыс схемасы Медеу және Әуезов аудандарында іске қосылады, деп хабарлайды Almaty.news ақпарат агенттігі қалалық әкімдіктің баспасөз қызметіне сілтеме жасап.
Біржақты қозғалыс Достық даңғылы бойынша Гоголь көшесінен Жібек Жолы даңғылына дейінгі учаскеде солтүстік бағытта ұйымдастырылады. Сондай-ақ өзгерістер Зенков көшесіне де әсер етеді, мұнда қозғалыс Мақатаев көшесінен Гоголь көшесіне дейінгі аралықта оңтүстік бағытта біржақты болады.
Бұдан басқа, Әуезов ауданында Атамекен шағын ауданындағы Атамекен көшесінде №103 үйден №108 үйге дейінгі учаскеде оңтүстік бағытта біржақты қозғалыс қазірдің өзінде жұмыс істейді.
«Жаңа енгізулер көлік жүктемесін азайтуға, көше-жол желісінің өткізу қабілетін арттыруға және жолдардағы қақтығыс жағдайларының санын азайтуға бағытталған», — деп атап өтті ведомствода.
Шешім қабылдау кезінде көлік жағдайын талдау нәтижелері мен тұрғындардың өтініштері ескерілді. Өзгерістер пилоттық режимде енгізіледі.
Дереккөз: Inalmaty.kz