Алматыда қазақстандық сазгер Алмабек Меирбековтың шығармашылық мұрасы туралы кітап таныстырылды, деп хабарлайды Almaty.news ақпарат агенттігі.
Басылым автордың 70 жылдығына орай жарық көрді. Алғаш рет бір басылымда музыка туралы материалдар: зерттеушілердің мақалалары, хореографтардың сұхбаттары, сирек архивтік фотосуреттер мен құжаттар жинақталған. Әріптестерінің айтуынша, сазгер шығармашылығында сахнаға арналған музыка ерекше орын алған. Атап айтқанда, балет, театр және хореографиялық қойылымдар үшін. Басылымда сазгердің шығармашылық өмірбаяны ғана емес, Қазақстан өнерінің 1980-2000 жылдардағы дамуының негізгі кезеңдері де көрсетілген.
«Мен бұл кітапты музыкант болмасам да, ұлы ретінде өте жоғары бағалаймын. Ол әкемнің шығармашылығын биге арналған музыкада, яғни «Алдар-Көсе» балетінде нақты ашады. Бұл кітап Қазақстан мәдениетінің дамуына өз үлесін қосады деп ойлаймын. Өйткені әкем музыканы өзі үшін емес, халық үшін жазды», — деді А. Меирбековтың ұлы Ерден Ордабек.
««Алмабек Меирбеков. Музыка биде көрініс тапқанда» кітабының тұжырымдамасы Qazaq Ballet Creative Lab зертханасының аясында шықты және біздің бағытымыз хореографиялық жобалармен байланысты болғандықтан, кітаптың мазмұны да осыған негізделді. Біз бұл кітап жаңа зерттеулерге, мәдениет саласындағы жаңалықтарға катализатор болады деп үміттенеміз», — деді өнертану кандидаты Дамир Уразымбетов.
Дереккөз: Almaty.tv