17 маусымнан бастап Алматыда бірқатар автобус пен троллейбус бағыттарының қозғалыс схемасына уақытша өзгерістер енгізіледі, деп хабарлайды Almaty.news ақпарат агенттігі.
Қала орталығында газ құбырын реконструкциялауға байланысты көлік қозғалысы шектеледі. 17 маусымнан бастап Достық даңғылы мен Назарбаев даңғылы аралығындағы учаскеде көлік қозғалысы уақытша шектеледі. Бұл шектеулер Луганский көшесінен, Армянская көшесінің бұрышынан Esentai Mall автотұрағына дейінгі орта қысымды жерасты газ құбырын реконструкциялау жобасын іске асыруға байланысты.
Жұмыс жүргізілетін кезеңде №38 және №62 бағыттар үшін «Мендіқұлов бульвары» аялдамасы уақытша жабылады. Жолаушыларды отырғызу және түсіру реконструкция аяқталғаннан кейін қайта жанданады.
Сондай-ақ №45 автобус бағытының схемасы өзгереді. Оңтүстік бағытта: Достық даңғылы — Қажымұқан көшесі — Назарбаев даңғылы — әрі қарай схема бойынша. Кері бағытта өзгеріссіз.
17 маусымнан бастап Габдуллин көшесінің Манас көшесінен Әуезов көшесіне дейінгі учаскесінде орташа жөндеу жүргізілуіне байланысты №7 троллейбус бағытының схемасы уақытша өзгереді. Солтүстік бағытта: Әуезов көшесі — Бұқар жырау көшесі — Манас көшесі — әрі қарай схема бойынша. Кері бағытта өзгеріссіз.
Шемякин көшесін жөндеуге байланысты бірнеше автобус бағыты өзгереді. 17 маусымнан бастап Шемякин көшесінің Рысқұлов даңғылынан Хмельницкий көшесіне дейінгі учаскесінде орташа жөндеу басталады. Осыған байланысты №8, №32, №51, №79 және №126 автобус бағыттарының схемалары уақытша өзгереді.
№8 бағыт: солтүстік бағытта — Жангельдин көшесі — Папанин көшесі — Хмельницкий көшесі — әрі қарай схема бойынша. Кері бағытта: Хмельницкий көшесі — Гете көшесі — Руставели көшесі — Папанин көшесі — Жангельдин көшесі — әрі қарай схема бойынша.
№32, №51, №79 бағыттар: солтүстік бағытта — Жангельдин көшесі — Папанин көшесі — Хмельницкий көшесі — Майлин көшесі — әрі қарай схема бойынша. Кері бағытта: Майлин көшесі — Хмельницкий көшесі — Гете көшесі — Руставели көшесі — Папанин көшесі — Жангельдин көшесі — әрі қарай схема бойынша.
№126 бағыт: солтүстік бағытта — Жангельдин көшесі — Папанин көшесі — Хмельницкий көшесі — әрі қарай схема бойынша. Кері бағытта: Хмельницкий көшесі — Гете көшесі — Руставели көшесі — Папанин көшесі — Жангельдин көшесі — әрі қарай схема бойынша.
Өзгертілген қозғалыс схемалары жөндеу жұмыстары аяқталғанға дейін қолданылады. Қала тұрғындарына бағыттарды алдын ала жоспарлауға және уақытша шектеулерді ескеруге кеңес беріледі.
Еске сала кетейік, 16 маусымнан 20 шілдеге дейін Алматыда Жұмабаев көшесінде қозғалыс шектеледі.
Дереккөз: Inform.kz