29 жастағы шетел азаматы Таразда синтетикалық есірткі таратты деген күдікпен ұсталды, деп хабарлайды Almaty.news ақпарат агенттігі Жамбыл облысы ПД-ға сілтеме жасап.
Ведомствоның баспасөз қызметінің мәліметінше, жеке тексеру кезінде ер адамнан оқшаулағыш таспамен оралған 10 орама ақ түсті ұнтақ тәрізді зат табылып, алынған. Сонымен қатар, еденнен тағы 18 осындай орама табылған. Кейін күдіктінің уақытша тұратын жерінде жүргізілген тінту кезінде полиция қызметкерлері ерекше иісі бар ақ түсті ұнтақ тәрізді зат салынған тағы 109 ораманы алып қойған.
Сот сараптамасының қорытындысы бойынша, алынған зат синтетикалық есірткі «альфа-PVP» деп танылған. Алынған есірткінің жалпы салмағы 59,01 граммды құраған. Бағалау бойынша, оның қара нарықтағы құны 2,7 млн теңгеден асады.
Бұл факті бойынша ҚР ҚК 297-бабының 3-бөлігімен сотқа дейінгі тергеу басталды. Күдікті уақытша ұстау изоляторына қамалды. Алдын ала мәліметтер бойынша, ер адам Telegram арқылы алған заңсыз табыс табу ұсынысына келіскен. Ол таратуға дайындалған орамаларды Алматыдан алып, Тараз аумағында сатпақ болған. Алайда оның заңсыз әрекеті полиция қызметкерлерімен уақытылы тоқтатылды, — деп қосты Жамбыл облысы ПД.
Дереккөз: Nur.kz