Алматыда «Алматы паркинг» КГП мәліметінше, 2026 жылғы 5 маусымдағы жағдай бойынша, Бөгенбай батыр – Желтоқсан – Абай – Достық көшелерінің квадратында орналасқан пилоттық аймақтың кіреберістеріне ақпараттық конструкциялар орнатылып жатыр, деп хабарлайды Almaty.news ақпарат агенттігі.
Жоба аясында барлығы 134 жол белгісі мен ақпараттық тақтайша орнату көзделген. Олардың қатарында шығарындылар деңгейі төмен аймаққа кіруді білдіретін 5.50 экологиялық жол белгілері, аймақтан шығуды білдіретін 5.51 белгілері, сондай-ақ жол қозғалысына қатысушыларға арналған ақпараттық табло бар.
Мамандардың атап өтуінше, белгілерді орнату 2026 жылғы 28 сәуірде басталған LEZ техникалық пилоттық кезеңінің бір бөлігі болып табылады. Пилоттың негізгі міндеті – цифрлық инфрақұрылымды сынау, көлік ағындарын есепке алу жүйелерін баптау, сондай-ақ көліктің атмосфералық ауа сапасына әсерін бағалау үшін деректерді жинау және талдау.
Техникалық пилоттық кезең 2026 жылғы 31 желтоқсанға дейін созылады. Осы уақыт ішінде аймақ аумағында көлік қозғалысы әдеттегі режимде жүзеге асырылады. Бұған дейін Алматыда 2026 жылғы 19 мамырдан бастап «Рубеж» бекеттерінің жаңа форматта жұмыс істейтіні хабарланған болатын. Қалалық Полиция департаментінің баспасөз қызметі бүгін, 2026 жылғы 5 маусымда, жаңартылған жұмыс форматы іске қосылғаннан бері шамамен 1500 құқық бұзушылық анықталғанын мәлімдеді.
Дереккөз: Zakon.kz