Қазақстан үкіметі Алматы облысында толық циклді биофармацевтикалық зауыт салу жобасын мақұлдады. Тиісті келісім отандық дәрі-дәрмек өндірісін дамыту аясында жасалды, деп хабарлайды Almaty.news ақпарат агенттігі.
Жаңа фармацевтикалық кешенді «Алатау» арнайы экономикалық аймағының аумағында салу жоспарланған. Жобаға тартылатын жеке инвестицияның жалпы көлемі 32,5 млрд теңгені құрайды.
Кәсіпорында онкологиялық және сирек кездесетін ауруларды емдеуге арналған дәрілер, сондай-ақ заманауи иммунобиологиялық препараттарды қоса алғанда, дәрілік заттардың 20 түрін шығару жоспарланған. Зауытты іске қосу 2031 жылға, ал толық өндірістік қуатқа шығу 2032 жылға жоспарланған.
Жоба ғылыми-зерттеу бағытын құруды, биоэквиваленттілік зерттеулерін жүргізуді, тіркеу досьелерін дайындауды және GMP халықаралық стандарттарын енгізуді де көздейді. Сонымен қатар, кешен базасында қазақстандық мамандарды оқыту және олардың біліктілігін арттыру жүргізіледі.
Жобаны іске асыру шамамен 60 жаңа жұмыс орнын құруға және елдің дәрі-дәрмек импортына тәуелділігін азайтуға мүмкіндік береді.
Үкіметте қазіргі уақытта Қазақстанда фармацевтика саласында сегіз ірі инвестициялық жоба іске асырылып жатқанын атап өтті. Өткен жылдың қорытындысы бойынша отандық фармацевтика өнімінің өндіріс көлемі 191,1 млрд теңгеге жетті.
Дереккөз: Inalmaty.kz