Алматыда қоғамдық көлік пен жүргізушілердің жұмысына бақылау күшейтілді. Бұл шешім жолаушылардың қызмет көрсету сапасына үнемі шағымдануына байланысты қабылданды, деп хабарлайды Almaty.news ақпарат агенттігі.
Қалалық әкімдіктің мәліметінше, апта сайын тұрғындардан шамамен 800 өтініш түседі. Олардың көбі автобустарды ұзақ күту, салондардың санитарлық жағдайы, кондиционерлердің жұмыс істемеуі және жүргізушілер тарапынан бұзушылықтарға қатысты.
Жағдайды бақылау үшін бақылау-желілік қызмет құрылды. Мамандар күн сайын автобустардың техникалық жай-күйін, қозғалыс кестесінің сақталуын және жолаушыларға қызмет көрсету сапасын тексереді.
Сондай-ақ тасымалдаушылар жүргізушілердің жұмысына күшейтілген бейнебақылауды енгізді. Бұзушылықтарға байланысты ескертуден бастап сыйлықақыдан айыруға дейінгі тәртіптік шаралар қолданылады.
Әкімдікте жолақы құнын көтеру мәселесі қазір қарастырылмайтынын атап өтті. Негізгі назар қызмет көрсету сапасын жақсартуға және тасымалдаушылардың тәртібін күшейтуге аударылған.
Дереккөз: Inalmaty.kz