2026 жылы 20 мамырда қалалық билік Орталық мәдениет және демалыс саябағы аумағындағы жер учаскелерін жалға беру келісімшарттарын ұзартудан бас тартты, деп хабарлайды Almaty.news ақпарат агенттігі.
Алматы әкімдігі жалдау қатынастарын тоқтатудың негізгі себебі ретінде саябақ аумағын ұзақ уақыт бойы тиісті деңгейде күтіп-ұстамағанын атады. Инфрақұрылым мен аттракциондардың басым бөлігі ескірген, қаланың басты демалыс аймақтарының бірінің жай-күйі тұрғындар тарапынан сынға ұшырап отыр.
Әкімдікте бүгінде саябақ заманауи талаптарға – жайлылық, қауіпсіздік және қоғамдық кеңістіктер сапасына толық жауап бермейтінін атап өтті.
2026 жылдың басында Алматы қаласының ең ірі қоғамдық кеңістіктерінің бірі – Бірінші Президент саябағын қайта жаңғырту басталғаны хабарланған болатын.
Дереккөз: Zakon.kz