Алматыда «BIR TOLQYNDA» жобасы аясында студенттер, жас мамандар және қоғам белсенділері билік өкілдері мен сарапшылармен жастар саясаты, саяси жүйені реформалау, ғылым мен технология мәселелері бойынша ашық диалог өткізді, деп хабарлайды Almaty.news ақпарат агенттігі.
Іс-шараға «AMANAT» партиясының хатшысы Александр Данилов, Мәжіліс депутаты Әбутәліп Мұтали, «Жастар Рухы» жастар қанатының төрайымы Әкерке Искандерова, «AMANAT» партиясы Алматы қалалық филиалының төрағасы Станислав Канкуров, Алматы қалалық мәслихатының төрағасы Мейіржан Отыншиев, мәслихат депутаттары, Алматы қаласы Жастар саясаты басқармасы басшысының орынбасары Мирас Нысаналиев және жастар ұйымдарының өкілдері қатысты.
«AMANAT» партиясының хатшысы Александр Данилов жастарды саяси үдерістерге тартудың маңыздылығын атап өтті.
Мәжіліс депутаты Әбутәліп Мұтали партияның жастарға мүмкіндік жасаудағы рөлін атап өтті.
Өз кезегінде «Жастар Рухы» жастар қанатының төрайымы Әкерке Искандерова жастарды белсенді азаматтық ұстанымға шақырды.
Алматы қаласы Жастар саясаты басқармасы басшысының орынбасары Мирас Нысаналиев жастар саясатын іске асырудағы серіктестіктің маңызын атап өтті.
Дәрістер қаланың төрт алаңында өтті. Әл-Фараби атындағы Қазақ ұлттық университетінде қатысушылар жоғары оқу орнының ғылыми-инновациялық инфрақұрылымымен танысып, Робототехника орталығы мен Farabi HUB-ға барды. Студенттермен диалог жастар саясаты, бастамаларды қолдау, ғылым мен технологияны дамыту мәселелеріне арналды.
DefenseTech Hub-та қатысушылар технологиялық жобалармен және «QAISAR» бастамасының қызметімен танысты. Технологиялық даму, патриоттық тәрбие және жастардың азаматтық ұстанымын қалыптастыру мәселелері талқыланды.
Satbayev University-де техникалық мамандық студенттерімен ашық диалог өтіп, инженерлік білім, кәсіби даму және жас мамандарға арналған мансаптық мүмкіндіктер талқыланды. Қорытынды кездесу «Жастар Рухы» қалалық орталығында өтіп, қатысушылар орталықтың қызметімен танысып, жастар қауымдастығымен жұмыстың одан әрі форматтарын талқылады.
«BIR TOLQYNDA» жобасы негізінде толыққанды қатысушылар қауымдастығы құрылады. Алаң сарапшылар мен қоғам қайраткерлерімен тұрақты кездесулер, білім беру бағдарламалары мен кәсіби өсуге арналған воркшоптар, сондай-ақ әртүрлі салалардағы жас көшбасшылар, белсенділер мен мамандар арасында байланыс орнату үшін кеңістікке айналады. Осылайша, «BIR TOLQYNDA» бір реттік іс-шаралардан тысқары шығып, дамып, ел өміріне қатысуға ұмтылатындар үшін ұзақмерзімді экожүйеге айналады.
Дереккөз: Zakon.kz