Алматыда Қазақстанның Халық жазушысы, Еңбек Ері, ақын, мемлекеттік және қоғам қайраткері Олжас Сүлейменовтің 90 жылдығына арналған салтанатты кеш өтті. Шара зиялы қауым өкілдерін, мемлекеттік және қоғам қайраткерлерін, ақын-жазушылар мен өнер қайраткерлерін біріктірді, деп хабарлайды Almaty.news ақпарат агенттігі.
Кеш ақынның тебірентетін өлеңдерін оқумен ашылды, содан кейін көрермендерге Олжас Сүлейменовтің өз дауысымен шығармаларын оқитын мұрағаттық бейнежазба көрсетілді.
Іс-шара барысында мерейтой иесіне Қазақстан мен шетелдердің мемлекеттік және қоғам қайраткерлері, сондай-ақ мәдениет және әдебиет өкілдері арнайы құттықтаулар жолдады. Ақынның елдің рухани өмірін дамытудағы маңызды рөлі ерекше атап өтілді.
Салтанатты кеште танымал әртістер өнер көрсетіп, ақындар мерейтой иесіне арналған өлеңдерін оқыды. Мерекелік шара аясында Олжас Сүлейменовтің шығармашылығы, азаматтық ұстанымы және қоғамдық қызметі кеңінен жарияланды.
Сонымен қатар, бүгін Алматы қаласының әкімі Дархан Сатыбалды Олжас Сүлейменовке Мемлекет басшысының атынан құттықтау хатын тапсырды.
Олжас Сүлейменов – қазақ әдебиеті мен мәдениетінің дамуына баға жетпес үлес қосқан көрнекті тұлға. Оның шығармалары ұлттық руханияттың алтын қорына еніп, бірнеше ұрпақ оқырманның рухани тәрбиесіне әсер етті. Ел тарихында оның қоғамдық және халықаралық қызметі де ерекше орын алады.
Дереккөз: Almaty.tv