Алматы әкімі AMANAT партиясының алаңында тұрғындарды қабылдады. Кездесуде ерекше қажеттіліктері бар адамдарды қолдау, тұрақты сумен жабдықтауды қамтамасыз ету, тұрғын үй кешендерінің инженерлік инфрақұрылымының жай-күйі, электросамокаттар қозғалысын реттеу және басқа да мәселелер көтерілді, деп хабарлайды Almaty.news ақпарат агенттігі.
Атап айтқанда, ерекше қажеттіліктері бар адамдарға арналған оңалту инфрақұрылымын дамыту, Наурызбай ауданы тұрғындарын тұрақты сумен қамтамасыз ету үшін Ақсай өзеніндегі су алу құрылысының құрылысын аяқтау мәселелері қаралды.
Сондай-ақ азаматтар «Восточный парк» тұрғын үй кешенін электрмен жабдықтау және Алғабас шағынауданындағы жаңа мектеп маңында жаяу жүргіншілердің қауіпсіздігін қамтамасыз ету мәселелерімен жүгінді.
Кездесу қорытындысы бойынша барлық өтініштер бақылауға алынып, жауапты мемлекеттік органдарға тиісті тапсырмалар берілді.
AMANAT партиясы алаңындағы азаматтарды қабылдау тұрақты негізде өткізіліп, халықпен тікелей байланысу тетіктерінің бірі болып қала береді. Жыл басынан бері қалалық мәслихат депутаттары 80-нен астам қабылдау өткізіп, 1 мыңнан астам тұрғынның өтінішін қарады. Сонымен қатар, мемлекеттік органдардың басшылары 70-тен астам азаматтарды қабылдады.
Дереккөз: Zakon.kz