Әлеуметтік желілерде рэпер De Lacure қатысқан видео тарап, оның сөздері кең резонанс тудырды. Осыған байланысты Алматы полициясы тексеріс жүргізіп, әртіс түсініктеме беру үшін бөлімге жеткізілді, деп хабарлайды Almaty.news ақпарат агенттігі.
Алматы қалалық полиция департаментінің мәліметінше, тексеріс рэп-орындаушының бірінің сөзіне қатысты жүргізілді. Видео ойын-сауық шоуының фрагменті болып, автор 2012 жылға қатысты оқиғаны айтқан.
Видео желіде тараған соң, Медеу ауданы полиция басқармасының қызметкерлері тексеріс шараларын ұйымдастырды. Рэпер полицияға жеткізіліп, түсініктеме берді. Оның айтуынша, оқиға әлеуметтік желі қолданушылары тарапынан бұрмаланып түсіндірілген, ал зорлық-зомбылық фактісі болмаған.
Тексеріс барысында қылмыстық құқық бұзушылықты растайтын объективті деректер анықталған жоқ. Тексеріс шаралары аяқталды, — деп мәлімдеді Алматы полиция департаменті.
Ведомство әлеуметтік желі қолданушылары мен БАҚ өкілдерін жалған ақпарат таратпауға және тек ресми деректерге сүйенуге шақырды.
Дереккөз: Nur.kz